Линктер

шейшемби, 23-октябрь, 2018 Бишкек убактысы 19:38

Ошто “Жүрөктөн жүрөккө” аттуу акция уюштурулду


Куткаруу иштери.

Учак апаатынан курман болгондордун жакындарына жана жараат алгандарга көмөктөшүү максатында Ошто “Жүрөктөн жүрөккө” аттуу кайрымдуулук акциясы уюштурулду. “Ош пирим” телерадиокомпаниясы уюштурган өнөктүктүн алкагында "Перити Коал", “Синьжи-Пирим”, “Улан- Чи”, “АзАлНас”, “ОшПирим-Транс” жоопкерчилиги чектелген коомдорунун эмгек жамааты өздөрүнүн эки күндүк эмгек акыларын авиакырсыктан жапа чеккендерге жана алардын жакындарына жардам иретинде которот. Бул ишканаларда жалпысынан 450 жакын адам иштейт.

16-январда "Манас" аба майданынын жанындагы Дача айылына «Боинг 747-400» кулап, кырктай адам көз жумду. Алардын төртөө экипаж мүчөлөрү, калгандар жайкын тургундар. Каза тапкан кыргызстандыктардын баарынын тек-жайы аныкталды.

Учак Гонконгдон Стамбулга учуп баратып “Манас” эл аралык аэропортуна май куюу үчүн конуп жатканда кырсыкка кабылган. (ErN\SE)

XS
SM
MD
LG