Линктер

ЧУКУЛ КАБАР!
27-Октябрь, 2021 шаршемби, Бишкек убактысы 07:47

Баткенде аэропортту башка жакка жылдыруу талабы коюлду


Иллюстрация

16-январда Бишкекке жакын жерде болгон учак кырсыгынан улам Баткен шаарынын ортосунда жайгашкан аэропортту калаанын сыртына чыгаруу маселеси кайрадан көтөрүлө баштады. Аэропорт конушунда жашагандар мурда да бир канча жолу бул боюнча бийликке кайрылышкан.

Вице-мэр Мамасыдык Султанов Баткен аэропорту боюнча аракеттер көрүлүп жатканын билдирди. Анын айтуусунда, буга чейин аэропорт үчүн сунушталган Жаңы-Жер участкасы Кыргызстан, Тажикстан жана Өзбекстан өлкөлөрү чектешкен жерге жакын болгондуктан курулбай калган.

Аталган аэропорт 1980-жылдары чакан учактар үчүн ачылган. Учуп-конуу тилкесин кеңейтүү үчүн каражат да бөлүнүп, бирок айланасындагы жерлер үй-жай куруу үчүн бөлүнүп кеткендиктен ишке ашпай калган.

Баткенден тышкары Жалал-Абад шаарында да аэропорт шаардын ичинде. Ош эл аралык аэропортунун тегерегинде да эл жашайт.

16-январда Бишкектеги “Манас” эл аралык аэропортуна жакын Дача айылына Гонконг-Стамбул багытындагы “Боинг-747-400” жүк учагы кулап, кырк чамалуу адам көз жумду. (JsA\SE)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG