Бүгүн, 20-январда Бишкекте Кыргыз эл акыны Сагын Акматбекованын “Жүгүргөн туман” аттуу поэзия кечеси саат 17:00до өтөт. Аны уюштуруп жаткан “Роза Отунбаеванын демилгеси” эл аралык коомдук фондунан кабарлашкандай, Улуттук филармонияга белгиленген кечеде акындын ырлары окулат. Кирүү акысыз.
Аталган коомдук фонд акын-жазуучуларды колдоп тез-тез адабий кечелерди уюштурат.
Сагын Акматбекова кыргыз поэзиясында 60-жылдардын этегинен тарта тааныла баштаган. “Жамгыр”, “Терезедеги жарык”, “Күз ырлары”, “Күүгүмдөгү күү” өңдүү китептердин автору. (SE)
