Өзбекстандын Тышкы иштер министрлиги Кыргызстандын бул өлкөдөгү элчиси Данияр Сыдыков менен жолугушуу өткөрдү. Ташкенттин расмий маалыматына ылайык, 24-январдагы жолугушуунун күн тартибин Кыргызстан менен Өзбекстандын алака-катышын бекемдөө жаатындагы маселелер түздү.
Министрликтин өкүлдөрү жана элчи эки мамлекеттин президенттери Самаркандда жолугушканда талкуулаган кызматташуу боюнча тапшырмаларды да талкуулашты.
Өлкө башчылар Алмазбек Атамбаев жана Шавкат Мирзиёев былтыр 24-декабрда кезигишкен.
Элчи Данияр Сыдыков 11-январда Ташкент шаарынын акими менен жолугуп, эки өлкөдө кыргыз жана өзбек маданият күндөрүн уюштуруу планын макулдашкан.
Соңку жылдары мамилеси салкындап кеткен Өзбекстан менен Кыргызстандын ортосунда 2016-жылдын күзүнөн тарта ымала жакшы нукка өзгөрө баштады. (SE)