Өмүр бою эркинен ажыратылган укук коргоочу Азимжан Аскаров ачкачылык жарыялады. Бул тууралуу Аскаров өзү кармалып турган Бишкектеги №1 тергөө абагынын жетекчилигин кабардар кылды. Жаза аткаруу кызматынын маалымат катчысы Эленора Сабатарованын “Азаттыкка” билдиришинче, укук коргоочу медициналык кароодон өткөрүлдү. Бирок Аскаров эч кандай дары ичпей турганын эскертүүдө.
24-январда Чүй облустук соту укук коргоочу Азимжан Аскаровду күнөөлүү деп таап, өмүр бою эркинен ажыратуу боюнча Базар-Коргон райондук сотунун өкүмүн өзгөртүүсүз калтырган.
Камактагы укук коргоочунун адвокаттары Жогорку сотко кайрыларын билдиришти.
Соттун чечимине БУУнун Адам укуктары боюнча комитети, Евробиримдик сындап чыккан.(BkA)
