Линктер

ЧУКУЛ КАБАР!
25-Октябрь, 2021 дүйшөмбү, Бишкек убактысы 20:46

Лукашенко: Бир тууган Украина көз карандысыздыгы үчүн күрөшүүдө


Александр Лукашенко.

Белорус президенти Александр Лукашенко боордош Украина көз карандысыздыгы үчүн күрөшүп жатат деди. Мындай пикирин ал илимий чөйрөнүн кызматкерлери менен жолугушууда айтты деп кабарлайт президенттин расмий сайты.

Лукашенконун айтымында, Минск үчүн көз карандысыздык күрөшү аскердик же саясий талаада эмес, экономикалык тармакта жүрүүдө.

Беларус Украина чыгышындагы өздөрүн “элдик республикалар” атаган жикчилдерди тааныган эмес. Киевдеги беларус элчиси Валентин Величко Минск Украина бүтүндүгүн колдой турганын мурда айткан болчу. Мындан тышкары беларус расмийлери Орусия Клинцы аймагындагы чек арасында аскерин чыңдашына бир нече ирет тынчсыздануусун билдирген.

Декабрда Лукашенко Санкт-Петербургдагы Евразия экономикалык биримдигинин жана Жаматтык коопсуздук келишим уюмунун саммитине келбей койгон эле.

Ал эми январда Беларус АКШ, Евробиримдик өлкөлөрү, Жапония, Бразилия баштаган 80 өлкөнүн жарандарына беш күндүк визасыз режим киргизген.

Пикирлерди көрүңүз (10)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG