Борбор калаадагы “революция каармандары” аянтчасындагы Уркуя Салиеванын эстелигинин алдында, учак кырсыгынан курман болгондордун элесине арналган митинг-реквием өттү. Иш-чарага авиакырсыкта каза болгондордун жакындары жана өлкөнүн белгилүү адамдары катышты.
Митинг-реквием учурунда курман болгондорго куран түшүрүлүп, маркумдардын жакындарына кайрат айтылды.
16-январда Гонконг-Бишкек-Стамбул багытындагы “Боинг 747” жүк учагы “Манас” аэропортунун жанындагы Дача СУ конушуна кулап, 23 үйдү талкалап кеткен. 39 адамдын өмүрү кыйылып, он чакты адам жаракат алган. (SDz)
