Линктер

жекшемби, 19-ноябрь, 2017 Бишкек убактысы 15:02

Москвадагы автокырсыкта аман калган кыргызстандык ооруканада


Москва. Сүрөттүн окуяга тиешеси жок.

22 жаштагы Кылычбек уулу Бекбол Москвадагы Пирогов атындагы ооруканага жеткирилди. Бул тууралуу Орусиядагы элчиликке таянып, Тышкы иштер министрлиги кабарлады. Министрликтин басма сөз катчысы Айымкан Кулукееванын “Азаттыкка” билдиришинче, калган жүргүнчүлөр тууралуу маалыматтар такталууда.

Учурда окуя болгон жерде элчиликтин кызматкерлери иштеп жатышат.

Бүгүн кечке жуук Орусия борборунун Жаңы Москва аймагында УАЗ жана "Тойота" үлгүсүндөгү жеңил автоунаалары кагышып, андан сегиз адам каза болгондугу кабарланган. Алардын биринде Кыргызстандын жарандары бар экендиги айтылууда.

15-январда Саратов облусунда жеңил автоунаа менен жүк ташуучу унаа кагылышып, андан борборазиялык жети мигрант каза тапкан. Алардын төртөө кыргызстандык, экөө өзбекстандык жана бирөө тажикстандык экени кабарланган.(ZKo)

Сиздин пикир

пикирлерди көрсөт

XS
SM
MD
LG