Жогорку Кеңештеги КСДП фракциясынын депутаты Дастан Бекешов парламент имаратында тамеки чеге тургандар үчүн атайын жай уюштурууну суранды. Мындай сунушун бүгүн жалпы жыйында билдирип, тамеки тарткандардын жоругун уят деп сыпаттады:
-Депутаттарга, алардын жардамчыларына жана башкаларга тамеки чеге турган жай кылалы. Бөлмөдө чегишет, ажатканада чегишет. Уят эмеспи!
Бекешов буга чейин да коомдук жайларда тамеки тартуу адебин калыпка салуу маселесин көтөргөн.
Кыргызстанда 2007-жылы коомдук жайларда тамеки тарткандарга админстративдик жоопко тартуу эрежеси кабыл алынган. Бирок ал ишке ашкан эмес. (SE)
