Линктер

ЧУКУЛ КАБАР!
20-Октябрь, 2021 шаршемби, Бишкек убактысы 10:07

Кабардино-Балкарияда террорчу деп шектелген кыргыз жараны кармалды


Иллюстрация

Кабардино-Балкариянын күч органдары террордук топко мүчө деп шектелген эки кишини кармады. Алардын бири кыргызстандык, экинчиси орусиялык экенин РИА Новости расмий булактарга таянып 3-февралда жазды.

Маалыматка караганда, кыргызстандык жигит 21, орусиялык шериги 20 жашта. Алар Сирияга барып, террордук уюмдун жоочуларына кошулууга аттанышканы, жихадчылар менен интернеттен таанышканы аныкталган.

Колго түшкөндөрдүн үстүнөн кылмыш иши козголду. Орусиянын мыйзамдары боюнча, алар 20 жылга чейин камалышы мүмкүн.

Кабардино-Балкария Орусиянын курамына кирген республика.

Улуттук коопсуздук мамлекеттик комитетинин маалыматына ылайык, 2013-жылдан бери Кыргызстандан Сирияга 600 чамалуу киши кеткени такталган. Алардын 70тен ашууну ошол жакта көз жумган.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG