Ош шаарында Ош ЖИА бизнес ассоциациясы жана Индиянын Кыргызстандагы элчилиги уюштурган "Кыргызстан жана Индия кызматташуусунун келечеги" темасында бизнес-жолугушуу болуп өттү. Бул тууралуу "Азаттыкка" Ош ЖИАнын маалымат катчысы Жасур Парпиев билдирди.
Иш-чарага Индия, Орусия, Казакстандын, жергиликтүү бийликтин өкүлдөрү жана Ош шаарынын 100дөн ашуун ишкери катышты.
Ош ЖИА төрагасы Канатбек Акаев Индиянын элчиси Жаянт Кхобрагадеге эки өлкөнүн ортосундагы маданий-экономикалык мамиленин чыңдалуусуна жана өнүгүүсүнө кошкон салымы үчүн "Ыраазычылык кат" тапшырды. (ErN)