Линктер

ЧУКУЛ КАБАР!
27-Октябрь, 2021 шаршемби, Бишкек убактысы 07:39

“Агора”: Орусия интернетинде “аскерий абал” түзүлдү


Укук коргоочулар Рунетти көзөмөлөдөө күчөгөнүн белгилешүүдө.

Москвадагы “Агора” укук коргоо уюму тараткан жаңы баяндамада “Орусия бийликтери интернетти согуш талаасындай көрүп, өлкөнүн ичинен да, сыртынан да маанилүү сын айтылган кезде аны куралдуу кол салуу катары карай баштады”, - деп жазылган.

Буга далил катары “Агора” 2016-жылы интернетте көз-карашын билдирген орусиялыктарга каршы жети кылмыш иши козголгонун, алардын төртөө абакка кесилгенин келтирет.

Буга кошумча өткөн жыл ичи саясатчылар менен расмий өкүлдөрдүн интернетке көзөмөлдү күчөтүү боюнча 97и сунушу катталган, ал эми онлайн мазмун филтирленген же тосмолонгон учурлардын саны былтыр 116 103кө жеткен. Бул мурдагы жылдан 15 миңге көптүк кылат.

“Булардын баары бизге Рунет аскерий абал тартибине кирди деген жыйынтыкка келүүгө мүмкүндүк берүүдө” ,- деп белгиленет “Агоранын” баяндамасында.

Орусияда интернет колдонуучулардын саны 66 миллиондон 84 миллионго чейин деп саналат.

Орус өкмөтү интернетте тышкы коркунучтарга да көңүл бурарын айтып келет. ФСБнын эсебинде былтыр 70 миллиондой киберчабуулдарга жол берилген эмес. Бирок “Агора” бул цифранын тууралыгынан күмөн саноодо. (UE)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG