Чек ара кызматынын "Актилек" көзөмөл-өткөрмө бекетинин мурдагы башчысы Талгат Аланов иштен мыйзамсыз алынганын айтып чыкты. Бүгүн ал Бишкекте маалымат жыйын куруп, үч ай аралыгында кара май ташуу боюнча төрт фактыны аныктоого жетишкенин, буга чейин андай бир да иш жасалбаганын айтты.
Ошондой эле Аланов 26-январда Казакстандан ташылып келаткан 40 тонна кара майды киргизбей коёр замат кызматтан алынганын кошумчалады.
Чек ара кызматы бул билдирүү боюнча комментарий даярдап жатканы маалым болду. (RK)
