Линктер

ЧУКУЛ КАБАР!
28-Октябрь, 2021 бейшемби, Бишкек убактысы 00:39

"2017-жылдагы бурмалоосуз шайлоо" форумуна сунушталган резолюция


Форумдун катышуучулары.

Резолюция тогуз пункттан турат. Анда күзүндө өтүүчү президенттик шайлоону акыйкат, таза өткөрүүнүн моралдык-саясий жоопкерчилиги азыркы президент Алмазбек Атамбаевге жүктөлгөн. Ошондой эле келечекте президент болуп шайланган киши өзүнүн саясий партиясынан биротоло чыгуусу керек. Президент эч бир саясий партияга тартпай, “журт атасы” болууга тийиш.

Мындан тышкары форумдун катышуучулары автоматтык шайлоо системасынан да баш тартууга чакырышууда. Бул система шайлоонун адилет өтүүсүн камсыздап бере албастыгын көрсөттү деп айтылат резолюцияда.

Төртүнчү пунктта келечектеги президентке өзүнүн укуктарын кеңейтип-чоңойтуп алууга мүмкүнчүлүк бербөө, бешинчисинде Конституцияны өзгөртүүгө жол бербөө, бийлик бутактарына тиешелүү Башмыйзам өзгөртүлсө, ал сөзсүз түрдө шайлоого алып келери айтылган.

Форумдун резолюциясында азыркы өкмөттүн жана Коррупцияга каршы күрөшүү кызматынын ишине “канааттандырарлык эмес” деген баа берүү сунушталган.

Ошондой эле келе жаткан президенттик шайлоодо бардык талапкерлерге бирдей мүмкүнчүлүк жана шарттар түзүлүүсү талап кылынып, форумдун катышуучулары “бийликтин бир колго топтолуусуна” жол бербөөсү жазылган.

Резолюциянын аткарылышына форумдун саясий кеңеши көзөмөл кылат деп жазылган.(EBM/ZKo)

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG