Линктер

ЧУКУЛ КАБАР!
22-Октябрь, 2021 жума, Бишкек убактысы 17:19

Жарыктын ашыкча төлөмүнө техника себепкер болушу мүмкүн


Электр энергиясы үчүн келген төлөм эсептеринин кескин өсүп кетүүсүнө техникалык мүчүлүштүктөр себеп болушу ыктымал. Бул тууралуу 13-февралда өкмөттөгү жумушчу жыйында Улуттук энергохолдинг компаниясынын төрагасы Айбек Калиев билдирди.

Өкмөттүн басма сөз кызматы тараткан кабарга ылайык, 2016-жылдын декабрь айында жана 2017-жылдын январында ушундай жагдай жаралган. Бул аралыкта тургундардан 350 даттануу түшкөн:

-Анын 331и экспертизадан соң “доом жок” деп арыз жазып берген. Ушул тапта 14ү каралып жатат,- деди Калиев.

“Акылдуу эсептегичтер” алдашы мүмкүн эместигин белгилеген жетекчи эгер мүчүлүштүк такталса, компания ашыкча жазылган сумманы кайра төлөп берүүгө даяр экенин билдирди.

Премьер-министр Сооронбай Жээнбеков мындай көрүнүштөрдүн кайталанышына жол койбоону жана абал боюнча жарандарга ыкчам жооп берүүнү тапшырды.

Соңку күндөрү “акылдуу эсептегич” менен келген төлөм суммалары мурдагыга салыштырмалуу беш-алты эсе көп көбөйүп кеткенине көпчүлүк нааразы боло баштаган. (SE)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG