Түрк маалымат каражаттарынын 14-февралдагы маалымдоосу боюнча, 39 адамдын өлүмүнө алып келген түнкү клубга кол салуунун уюштуруучусу катары теги түрк француз жараны 12-февралда Стамбулда кармалган.
Бийлик аны А.S. деп атап, чабуулдун уюштуруучусу деп билдирүүдө. Стамбулдагы түнкү клубга кол салган өзбек улутундагы Абдулкадир Машарипов 16-январда Стамбулда кармалган.
39 адам өлүп, 65 адам жарадар болгон чабуул үчүн “Ислам мамлекети” террордук уюму жоопкерчилик алган эле. (AiT)
