Линктер

дүйшөмбү, 24-сентябрь, 2018 Бишкек убактысы 21:16

“Космопарк” эс алуу борборуна "бомба коюлганы" кабарланды


Бишкектеги “Космопарк” эс алуу борборуна “бомба коюлганы” тууралуу маалыматтан улам адамдар эвакуация болду. Шаардык Ички иштер башкармалыгынын басма сөз катчысы Олжобай Казабаев “Азаттыкка” билдиргендей, бүгүн, 14-февралда саат 19:05те белгисиз киши Октябрь райондук милициясына чалып, “бомба” тууралуу кабарлаган.

Аталган эс алуу борборунда милициянын ыкчам тобу, Улуттук коопсуздук мамлекеттик комитетинин адистери жана саперлор барып издөө-иликтөө иштерин жүргүзүүдө.

- Жарылуучу зат тууралуу маалымат келип түшкөнүнө эки сааттай убакыт болгонуна карабай, “бомба” табыла элек, - деди Казабаев.

Бишкекте буга чейин да бир канча жолу милицияга ушундай билдирүү түшүп, кийин жалган болуп чыккан. (SE)

Сиздин пикир

пикирлерди көрсөт

XS
SM
MD
LG