Линктер

ЧУКУЛ КАБАР!
23-Октябрь, 2021 ишемби, Бишкек убактысы 13:11

Депутат Карамушкина Руслан Бекназаровду айыптады


Ирина Карамушкина.

Жогорку Кеңештин Социал-демократтар фракциясынан депутат Ирина Карамушкина мурдагы баш прокурор Азимбек Бекназаровдун уулу Руслан Бекназаровду айыптады. Бул тууралуу депутат парламент жыйынында билдирди. Анын айтуусунда, Бекназаров өлкөнүн конституциялык түзүлүшүн бузууга жана бийликке баш ийбөөгө үндөп жатат.

- 7-апрелде каза болгондордун элесин мазактаган, Ош окуясынын учурунда кылмыштарга катышы болгон Руслан Бекназаров конституциялык түзүлүштү өзгөртүүгө чакырып, депутаттык мандатымды ажыратууга кол топтоп жүрөт. Мен буга байланыштуу Бекназаровдун билдирүүлөрү жана радикалдык уюмдарга катышы боюнча иликтөө жүргүзүүнү талап кылам, - деди Карамушкина.

Буга чейин Жогорку Кеңештин депутаты Ирина Карамушкинанын кызматтан кетишин талап кылган активисттер интернетте кол чогултуп жатканы белгилүү болгон. Атайын үлгүдөгү баракчаны демилгечи Руслан Бекназаров социалдык тармактарга тараткан. Буга Карамушкинанын өткөн аптада жума намаз учурунда мамлекеттик мекемелердин кызматкерлери жумушту таштап, сыйынууга кетип калышын сынга алганы себеп болгон.(BkA)

Пикирлерди көрүңүз (24)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG