18-февралда Киевде Майдан протестинин курмандыктарына арналган акция өттү. Миңдеген украиналыктар Төбөлсүздүк аянтына келип, курман болгондорду эскеришти.
2013-жылдын 21-ноябрында миң чамалуу киевдиктер Украина өкмөтүнүн Евробиримдик менен ассоциация келишимине кол коюуну артка жылдыруусуна каршы чыгышкан.
Окуя курчуп отуруп, 2014-жылдын февралында митингчилерди кууп таратуу учурунда жүздөн ашуун адам өлгөн. Евромайдан деген атка ээ болгон өкмөткө каршы акциялар Украинада бийликтин ыңкылап менен алмашуусуна алып келген.
