Линктер

ЧУКУЛ КАБАР!
20-Октябрь, 2021 шаршемби, Бишкек убактысы 05:52

"Манас" аэропортунан Текебаевди күч органдары кармап кетти


Өмүрбек Текебаев

Өмүрбек Текебаевди күч органдарынын өкүлдөрү Стамбулдан келип конгон учактан чыгып аткан маалда кармап кетти. Бул тууралуу аны менен чогуу учуп келген жубайы Айгүл Текебаева "Азаттыкка" билдирди:

- Учактын чыга беришинде 10-15 киши күтүп туруптур. Баары жөнөкөй эле кийимчен экен. Мага эч нерсе түшүндүрүшкөн жок. Аны дароо эле башка эшикке киргизип кетишти.

«Ата Мекен» партиясынын лидери Текебаеав Венадан бүгүн таңкы саат 3тө учуп келди. Ал Австриянын борбор шаарында өткөн ЕККУнун парламенттер аралык ассамблеясынын жыйынынан катышкан.

25-февралда Башкы прокуратура “Ата Мекен” фракциясынын лидери Өмүрбек Текебаевге Кылмыш-жаза кодексинин “коррупция” жана “алдамчылык” беренелери боюнча УКМКдан келген материалдардын негизинде иш козгоду. Башкы көзөмөл органдын маалыматында Текебаев орусиялык жаран Леонид Маевскийден 2010-жылы бир млн доллар алып, “Мегаком” сатылгандан кийин каражатты кошумчасы менен кайтарып берерин айткан. Бирок “Мегаком” сатылбай калып, Текебаев орус жаранына акчаны бербей койгон. Өмүрбек Текебаев өзүнө козголгон иштен кабары жок экенин билдирген. Ал өзүнө карата козголгон иш күтүлгөн, УКМК тарабынан пландалган экенин кошумчалаган.

Пикирлерди көрүңүз (65)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG