Линктер

ЧУКУЛ КАБАР!
25-Октябрь, 2021 дүйшөмбү, Бишкек убактысы 16:42

Митингчилер кайра Ала-Тоо аянтына жөнөштү


Митинг

Ак үй алдында бир сааттай нааразылык сөздөрүн айткан cоң митингчилер кечки саат 17:40та кайра Ала-Тоо аянтын көздөй жөнөштү. Арасында саясатчылар, активисттер жана карапайым элдин өкүлдөрү бар.

Өмүрбек Текебаевдин бошотулушун талап кылган миң чамалуу киши Ак үйдүн алдындагы акцияда парламент спикери Чыныбай Турсунбековдун, фракция лидерлерин жана башка депутаттардын чыгышын талап кылышты.

Алар талаптарын президент Алмазбек Атамбаевге жеткирүү үчүн ушундай кадамга барганын айтып "Текебаевге боштондук!" деп бирин-бири сүрөп турушту. Митингчилер бийликти басып алуу ниети жоктугун, болгону мыйзамдуулукту талап кылып жатканын белгилешүүдө. Азырынча бийликтен эч ким чыккан жок.

“Ата Мекен” партиясынын лидери коррупцияга шектелип, 26-февралда кармалган. Бүгүн анын баш коргоо чарасы каралат. Анын колдоочулары Жалал-Абаддын Базар-Коргон районунда да нааразылыкка чогулушкан. (SE)

Пикирлерди көрүңүз (9)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG