Линктер

ЧУКУЛ КАБАР!
27-Октябрь, 2021 шаршемби, Бишкек убактысы 12:59

“Ата Мекен” фракциясы Текебаевдин камалуусу тууралуу маселени көтөрөт


Мындай маалыматты фракциянын мүчөсү Каныбек Иманалиев “Азаттыкка” билдирди. Анын айтуусунда, фракция мүчөлөрү 1-март күнү парламенттин жалпы отурумунда Өмүрбек Текебаевдин камалышына байланыштуу маселе көтөрүп, Текебаев менен чогуу иштешкен депутаттардан кырдаал боюнча өз сөздөрүн айтуусун өтүнүшөт.

“Ата Мекен” фракциясынын лидери Өмүрбек Текебаев 26-февралда таңга жуук, "Манас" аэропортунан кармалып, 27-февралда сот чечими менен эки айга камакка алынды. Анын фракциялаштары эки күндөн бери парламенттин кезексиз отурумун чакырууну талап кылып, бирок андан майнап чыкпай келет.

Жогорку Кеңештин төрагасы Чыныбай Турсунбеков кезексиз жыйын чакыруу спикердин колундагы иш эмес экенин, бул үчүн фракция лидерлеринин макулдугу зарылдыгын билдирген.

Парламентте алты фракция бар. Алардын үчөө расмий оппозицияда.(ZKo)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG