Футбол боюнча Кыргызстандын 2017-жылдагы сезонунун Суперкубогу үчүн 2016-жылы Топ-Лигада чемпион аталган "Алай" жана былтыркы жылы Кыргызстандын Кубогуна ээ болгон "Дордой" командалары беттешет.
Кыргызстандын футбол лигасынан билдиришкендей оюн 3-мартта Бишкек шаарындагы Футбол Борборунун стадионунда саат 15:00дө башталат.
Кыргызстандын Суперкубогу сезондун ачылышына карата жыл сайын өтчү футболдук мелдеш катары 2011-жылдан бери уюштурулуп келет. 2015-жылы гана өткөрүлгөн эмес.
Бул кубокту "Дордой" клубу үч жолу уткан. "Нефтчи" менен "Абдыш-Ата" клубдары бир жолудан ээ болгон. "Алай" футболдук клубу Суперкубок үчүн мелдеште жеңишке жете элек.(ECh).
