Футбол боюнча Кыргызстандын 2017-жылкы сезондук Суперкубогу үчүн беттеште Бишкектин "Дордой" командасын Оштун "Алай" клубу утуп алды.
Өлкөнүн футбол лигасынан билдиришкендей, оюн 3-мартта Бишкек шаарындагы Футбол борборунун стадионунда өтүп, 1:4 эсебинде аяктады.
"Алай" 2016-жылы Топ-Лигада чемпион болгон. Ал эми "Дордой" Кыргызстандын кубогун алган.
Кыргызстандын Суперкубогу 2011-жылдан бери сезондун ачылышына карата жыл сайын өтөт. 2015-жылы гана уюштурулбай калган.
Бул кубокту "Дордой" клубу үч жолу уткан. "Нефтчи" менен "Абдыш-Ата" командалары бир жолудан ээ болгон. "Алай" мындай сыйлыкты алгач ирет алууда.