Линктер

ЧУКУЛ КАБАР!
16-Октябрь, 2021 ишемби, Бишкек убактысы 01:51

Чым-Коргондо жерге байланыштуу нааразылык чыгууда


Чүйдүн Кемин районунун Чым-Коргон айылынын жашоочулары жер маселеси чечилбей жатканына нааразы болуп бүгүн митингге чогулушту. Күбөлөрдүн айтуусунда, 300 чамалуу, милициянын эсебинде 60тай адам Кемин-Бишкек жолун тосууга аракет кылышты.

Топтолгондордун маалымдашынча, 15 гектардан ашуун жер 2007-жылы корей ишкерлерге картошканы кайра иштетүүчү завод куруу үчүн сатылган. Бирок андан бери ал жер пайдаланылбай жатат.

Район акими Улан Карагулов бул маселеде атайын комиссия түзүлгөнүн "Азаттык" радиосуна билдирди:

-Корейлер алган, бирок инвестор акча салган эмес. Жер кайра берилсин деп эл талап коюп жатат. Элдин катышуусунда комиссия түздүк. Жер качан, кандай шартта жана канча мөөнөткө берилгенин Мамлекеттик каттоо кызматынан тактайбыз.

Чүй облустук Ички иштер башкармалыгынын басма сөз катчысы Нурбек Токтосунов абалды милиция көзөмөлдөп жатканын билдирди. (SE)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG