Беларус соту бир жыл мурда эки пенсионерди өлтүрдү деп айыпталган 32 жаштагы адамды өлүм жазасына өкүм кылды. Бул 2017-жылы соттолуучуга берилген алгачкы өлүм жазасы болуп калды. Өлкө чыгышындагы Гомел аймагынын соту жаза чегерилген адамдын тек-жайын ачык жарыялаган жок.
Соңку өлүм жазасы эки кызын өлтүргөн адамга 2016-жылдын декабрь айында берилген.
Беларус - Европадагы өлүм жазасы колдонулган жалгыз өлкө. Европа Биримдиги өлкө бийлигин жазанын бул түрүнө мораторий жарыялоого чакырып келет.
Укук коргоо уюмдарынын маалыматы боюнча, 1990-жылдан бери Беларуста 400дөн ашык адам өлүм жазасына тартылган.
