Линктер

ЧУКУЛ КАБАР!
25-Октябрь, 2021 дүйшөмбү, Бишкек убактысы 13:27

Жапаровдун тарапкерлери УКМКга кирүүгө аракеттенди


УКМК алдында Садыр Жапаровдун тарапкерлеринин митинги уланууда. Митингге байкоо салгандардын айтымында, топтолгондордун саны миңге чукул. Милиция алардын так саны тууралуу маалымат бере элек.

Чогулгандар милиция кызматкерлери менен тирешип, аларды жарып өтүп имаратка кирүүгө аракеттенди.

Бирок айрым катышуучулар элди чагымга алдырбоого чакырышты. Нааразы тарап УКМК төрагасы Абдил Сегизбаевдин сыртка чыгышын, Жапаровду бошотууну талап кылышууда. Митингге мурдагы акыйкатчы Турсунбек Акун келип, Садыр Жапаровду, Өмүрбек Текебаевди бошотууга бийликти үндөдү.

Чогулгандар "Садыр Жапаровго боштондук" деп кыйкырып турушат.

Садыр Жапаров барымтага алуу боюнча козголгон кылмыш иштин алкагында УКМКга бүгүн кармалды.

Үч жыл мурда чет өлкөгө чыгып кеткен оппозициялык саясатчы Садыр Жапаров 25-март күнү өлкөгө кайтып келерин, атайын кызмат күбө катары суракка чакырганын жарыялаган болчу. Митингди уюштурган "Мекенчил" партиясынын маалыматына караганда, бүгүн ал Горький сейил багында тарапкерлеринин митингине катышып, сөз сүйлөй турганы күтүлүп жаткан.

Жапаровду колдоо митинги Ош жана Жалал-Абад шаарларында да өтүүдө. (NT)

Пикирлерди көрүңүз (10)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG