Пакистандын түндүк-батышындагы Парачинар шаарында жардыруудан мерт кеткендер 22ге жеткени кабарланууда. Ондогон адамдар жаракат алышты.
Өкмөттүн өкүлү Захид Хуссейндин айтышынча, бомба 31-мартта базардагы шиилердин мечитинин жанында жарылган.
Өлкөнүн Ооганстан менен чегине жакын жайгашкан Парачинарды негизинен шиилер байырлайт. Мындан мурда 21-январдагы жардыруудан 21 киши өлүп, ондогону жарадар болушкан. Анда буга жоопкерчиликти бир топ сунни жоочулары алышкан.
Бул чөлкөм суннилер менен шиилердин байма-бай кагылышуулары менен белгилүү.
