Мамлекеттик жана коомдук ишмер Сулайман Иманбаев 23-апрелде узак оорудан кийин, 86 жашында дүйнөдөн кайтты. Ал Кыргызстандын эмгек сиңирген дарыгери, СССРдин саламаттыкты сактоо тармагынын отличниги болгон. Бир катар мамлекеттик жогорку кызматтарды аркалап, 2005-жылы Борбордук шайлоо комиссиясын жетектеген.
Сулайман Иманбаевдин сөөгүн жерге берүү зыйнаты 25-апрелде болот. Анын тажиясын уюштуруу боюнча атайын мамлекеттик комиссия түзүлүүдө.(ZKo)