Чүй облусунун Кант шаарындагы мектеп окуучусунун өлүмү иликтенүүдө. Бул тууралуу “Азаттык” радиосуна Чүй облустук милициянын басма сөз катчысы Нурбек Токтосунов билдирди. 19-апрелде шаардагы жаңы курулуп жаткан үйлөрдүн биринен өспүрүмдүн жансыз денеси табылган. Тергөө-иликтөө иштеринин натыйжасында анын мыкаачылык менен өлтүрүлгөнү аныкталган. Кылмышка шектүү делип 2001-жылы туулган шаардын тургуну, өлтүрүлгөн баланын классташы кармалып, камакка алынды. “Адам өлтүрүү” беренесинин негизинде кылмыш иши козголуп, тергөө-иликтөө иштери уланууда.
Өткөн аптада эки өспүрүм, бири апасын, экинчиси чоң энесин өлтүрүп камалган эле. (КЕ)