Түштүк Кореяда 2015-жылдан бери дайынсыз кеткен 46 жаштагы Улан Ашиев жакындары менен байланышка чыкты. Бул тууралуу “Азаттыкка” Кыргызстандын Сеулдагы консулу Нурзат Саякбек кызы кабарлады. Ал апасы менен телефон аркылуу байланышып, аман-эсен экенин айткан.
Буга чейин Кыргызстандын Түштүк Кореядагы элчилигинен аталган жаран изделип жатканын билдиришкен. Кореяга 2004-жылы барган Ашиев акыр ирет 2015-жылы август айында жакындары менен сүйлөшкөндөн тарта дайынсыз экени айтылган.
Түштүк Кореянын Улуттук полиция агенттиги, Иммиграция кызматы Ашиевдин өлкөдөн чыгып кетпегенин жана мыйзам бузуп камалгандар тизмесинде жок экенин билдиришкен эле.
