Жогорку Кеңеште бүгүн шайлоолорго арналган парламенттик угуу болот. Жыйында "Президентти жана Жогорку Кеңеш депутаттарын шайлоо жөнүндө” конституциялык мыйзамга өзгөртүүлөрдү киргизүү тууралуу” мыйзам долбоору талкууланат. Аны он кишиден турган депутаттар тобу демилгелеген.
Парламенттик угуу түшкү саат экиде жыйындар залында уюштурулат. Жогорку Кеңештин басма сөз кызматы ага каалоочулар катыша аларын билдирди.
Кыргызстанда президент алты жылда бир, парламент беш жылда бир шайланат. Быйыл мамлекет башчыны шайлоо болот. (SE)
Facebook шеринеси