Ош облусуна караштуу Өзгөн районунун Зергер айылынын кооптуу жайда жашаган тургундарына Төрт-Көл аймагынан 42 гектар жер бөлүндү. Азыр аны трансформациялоо иштери жүрүп жатат. Бул тууралуу “Азаттыкка” Зергер айыл өкмөтүнүн башчысы Дилмухаммед Бокошев билдирди.
29-апрелде Зергер айыл аймагындагы Аюу-Сай кыштагында тоонун боорунан көлөмү 200 миң метр куб жер көчкү түшкөн. Өзгөчө кырдаалдар министрлиги көчкү алдында 24 адам калганын, алардын 11 балдар экенин билдирүүдө.
Бул аймакта жалпысынан 328 түтүн коопсуз жайга көчүрүлүшү керек. (КЕ/YI)
