Линктер

жума, 24-ноябрь, 2017 Бишкек убактысы 04:53

Оштун Өзгөн районундагы Аюу-Сай айылында көчкү басып калган дагы бир адамдын сөөгү табылды. Өзгөчө кырдаалдар министрлигинин басма сөз кызматы 2-майда кечке жуук топурак алдынан чыккан сөөктүн тек-жайы аныкталып жатканын "Азаттык" радиосуна билдирди.

29-апрелде аталган кыштакта тоонун боорунан көлөмү 200 миң метр куб жер көчкү түшүп, жети үйдөгү 24 адамды басып калган. Алардын үчөөнүн сөөгү 30-апрелде табылган.

Топурактын көлөмү чоң болуп, издөө иштеринде кыйынчылык жаралгандыктан Аалымдар кеңеши кырсык болгон жерди мүрзөгө айлантып, казуу иштерин токтотуу боюнча фатва чыгарган. Өзгөчө кырдаалдар министрлиги болсо издөө иштери уланып жатканын маалымдады. (SE)

Facebook шеринеси

XS
SM
MD
LG