Бишкектеги «Альфа-секьюрити» күзөт агенттигинин куралдарын уурдагандар табыла элек. Бул тууралуу “Азаттыкка” Шаардык ички иштер башкармалыгынын басма сөз катчысы Адыл Оморов кабарлады.
27-апрелде аталган агенттиктин курал кампасынан "Сайга" үлгүсүндөгү тогуз карабин мылтыкты, он "Макарыч" тапанчасын белгисиз киршилер уурдап кетишкен. Ыкчам-тергөө тобу кампага барганда куралдардын жоголгону жана аны алгандар терезе аркылуу киргени аныкталган. Алар ок-дарыга тийген эмес. Учурда тергөө-иликтөө иштери уланууда. (КЕ)
