Жоомарт акын эскерилди
Борбор калаада акын, драматург жана котормочу Жоомарт Бөкөнбаевдин 107 жылдыгы белгиленип, "…Алтынды сансыз кылып тапкан эмгек, Адамды адам кылып баккан эмгек!.." аттуу китеп-сүрөт көргөзмө өттү. Иш-чаранын алкагында "Жоомарт – мекенчил акын" сынагы жыйынтыкталды. Сынактын максаты - акын Жоомарт Бөкөнбаевдин чыгармачылыгын жайылтуу, кыргыз тил жана адабият сабагын окутуу боюнча өзгөчө усулдарды табуу, мектеп окуучуларын мекенчилдикке тарбиялоо. Жыл башында жарыяланган сынактын жыйынтыгы боюнча төрт журналистке, сегиз мугалимге, бир китепканага Жоомарт Бөкөнбаев сыйлыгы тапшырылды. Сыйлык эки жылда бир берилет.