Ош шаардык билим берүү башкармалыгы элди мектептердин ремонтуна көмөктөшүүгө чакырды.
Мекеменин башчысы Авазбек Асанов билдиргендей, мамлекеттен ремонт иштерине каражат аз бөлүнүп жатат. Быйыл Оштогу 56 мектептин ремонтуна 6 миллион сом гана каралган.
Асанов бул сумма ар бир мектепке 107 миң сомдон гана туура келерин кошумчалады.
Маалыматка караганда, шаар мектептеринде ремонт үчүн деп ата-энелерден 300 сомдон 600 сомго чейин акча топтоло баштады.
Ошто 56 мектеп бар. Аларда 54 миң окуучу билим алат. (YI)
