Алар эки-үч күн мурда болгон чатактын күнөөкөрүн таап, жазалоосун милиция кызматкерлеринен талап кылышууда. Бул маалыматты ИИМдин басма сөз кызматы ырастады. Ага ылайык, 18-майда райондун борборунда жаштар чатакташып, натыйжада бирөө бычак жеген. Жаракат алган адамдын туугандары милициядан айыптуу адамды таап, жазалоосун талап кылышкан.
Күбөлөрдүн айтымында, 20-майда РИИБнүн алдына 150дөй киши чогулган. Алар менен райондун акими жана райондук милиция башчысы жолугуп, ишти кылдат кароого, адилет териштирүүгө убада беришкен.(RsK/ZKo)
