20-майда Башкы штабдын бардык бөлүктөрүндө жана мекемелеринде ачык эшик күнү өттү. Иш-чара Кыргызстандын Куралдуу күчтөрүнүн 25 жылдыгына арналды.
Бул күнү каалоочулар аскер кызматкерлеринин жашоо-турмушу, кызмат өтөө шарттары жана жоокерлердин жетишкендиктери менен таанышты. Ошондой эле көрүүчүлөргө Куралдуу күчтөрдүн тарыхы, аскер техникалары менен тааныштыруу жана аскердик күжүрмөн даярдыктын элементтери көрсөтүлдү.
"Ачык эшиктер" күнү - Башкы штаб тарабынан Куралдуу күчтөрдүн 25 жылдыгына арналган декаданын ачылышы. Декада 29-май Кыргызстандын Куралдуу күчтөрүнүн майрамында ишин жыйынтыктайт. (ZKo)