Линктер

дүйшөмбү, 18-декабрь, 2017 Бишкек убактысы 01:45

Сирияда козголоңчулар Хомс шаарынан чыгып кетти


Ал-Уэрден эвакуацияланган козголоңчулар Алеппого кире бериште.

Хомс шаарынын акыркы аймактарынан козголоңчулар 21-майда чыгып кетти. Асаддын өкмөтү менен козголоңчулардын ортосундагы келишимге ылайык, шаар толугу менен президент Башар Асаддын көзөмөлүнө өттү. Хомстун Ал-Уэр районунан 700 аскер үй-бүлөлөрү менен, жалпысынан үч миң киши эвакуациянын акыркы этабында кетишти.

Хомс шаары башында Башар Асаддын бийликтен кетүүсүн талап кылган көтөрүлүштүн борбору болуп турган.

Акыркы айларда миңдеген козголоңчулар үй-бүлөлөрү менен Сириянын батышынан кетишти. Мындан ары өлкөнүн негизги аймактарын Асад көзөмөлдөйт.

Оппозиция бул келишимди "аргасыз көчүү" деп сындады. Козголоңчулар негизинен Идлиб провинциясын жана Түркия менен чектешкен Жарабус шаарынан кетишти.

XS
SM
MD
LG