Линктер

дүйшөмбү, 20-ноябрь, 2017 Бишкек убактысы 00:13

Иштен алынган кызматкер мэрия менен соттошууда


Жоолукчан кыз-келиндер велосипед тебүүдө. Бишкек, 5-ноябрь, 2013-жыл

Бишкек мэриясынын Эл аралык кызматташтык бөлүмүнүн жетектөөчү адиси болуп иштеген Сейил Маданбекова жоолук салынганы үчүн кызматтан алынганын билдирүүдө. Анын “Азаттыкка” айтымында, аппарат жетекчиси Мелис Жунушалиев жоолук маселесине байланыштуу бир-эки жолу сүйлөшүп, иштен өз каалоосу менен кетүү тууралуу арыз жазуусу керек экенин айткан.

- Аппарат жетекчиси 2016-жылдын мартында келип мени чакырып, жеке суроолорду берди. "Ким жоолук салын деп кыйнады? Менин кызым намаз окуйт, бирок жоолук салынбайт, бутуңарды мындай жуугула, тигиндей жуугула деп. Анан Москвага барсаңар террористтерден балдары өлгөн ата-энелер сизди түшүнбөйт" деди. Эртеси кайра чакырып дагы сурады. Кийин арыз жазып өзүңүз кетиңиз деди. Мен жазбайм, кетпейм деп айттым. Анан сөгүш берип кайра чакырды, арыз жазыңыз деп. Кетпесеңер берене менен кетиребиз деди. Кетире бергиле, мен сотко берем дегем. Мен жети жыл мамлекеттик кызматкер болуп жакшы эле иштеп жаткам. Бир дагы сөгүш алган эмесмин. Жаңы аппарат жетекчиси келип менин жоолугум жакпай, экинчиден ордум керек болуп эле кетиришти.

Бишкек мэриясынын маалымат кызматы Маданбекованын кызматтан алынышы жоолукка тиешелүү эмес экенин жана ал ишине байланыштуу бир нече жолу сөгүш алганын “Азаттыкка” кабарлады.

Буга чейин Ленин райондук соту Сейил Маданбекованын арызын карап, арыз ээсинин пайдасына чечип берген. Эми бул иш 24-майда шаардык сотто каралат. (КЕ)

Сиздин пикир

пикирлерди көрсөт

XS
SM
MD
LG