Линктер

ЧУКУЛ КАБАР!
23-Октябрь, 2021 ишемби, Бишкек убактысы 03:57

Жолчулар Балыкчы-Корумду жолу боюнча түшүндүрмө берди


Транспорт жана жолдор министрлиги Балыкчы – Корумду трассасынын былтыр жаңы салынган аймагы кайрадан оңдолуп жатат деген маалымат тууралуу “Азаттыкка” түшүндүрмө берди. Министрликтин алдындагы Жол чарба департаментинин бөлүм башчысы Акыл Мусабаев трассанын эски, мурда оңдолбогон аймагында иш жүрүп жатканын белгиледи.

- Асфальт кырылган жок, эскисин эле алып жатат. Былтыр Көчмөндөр оюнуна деп 61 чакырым бүтүрүшүбүз керек эле. Бирок каражатка, аба ырайына байланыштуу болгону 25 чакырымын гана салганбыз. Ал бир эле катмар болчу. Эми ошонун экинчи катмары төшөлүп жатат.

Мурдараак Көчмөндөр оюндарынын алдында 30-40 метр жерге жаңы төшөлгөн асфальт кырылып, жол кайрадан оңдолуп жатканын социалдык тармактарда жазышкан.

104 чакырымга созулган Балыкчы – Корумду жолун калыбына келтирүү үчүн бюджеттен 7 миллиардга жакын сом бөлүнгөн. Транспорт министрлиги өткөргөн тендерде жол куруу укугун лицензиясы жок кытайлык “Лонг Хай” компаниясы уткан. Буга чейин “Азаттык” аталган жолдун курулушундагы мыйзам бузуулар боюнча “Жолдон жонулган жашылдар” аттуу теле иликтөө даярдаган болчу. (КЕ)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG