Линктер

бейшемби, 23-ноябрь, 2017 Бишкек убактысы 17:46

АКШнын тышкы саясатындагы белгилүү ардагер, мурдагы президент Жимми Картердин улуттук коопсуздук боюнча кеңешчиси Збигнев Бжезинский 26-майда Виржиния штатындагы Inova Fairfax Hospital ооруканасында дүйнөдөн кайтты.

Бул тууралуу New York Times жана "Америка добушу" маалымат каражаттары маркумдун кызына таянуу менен билдирди. Бжезинский 90 жашта болчу.

Ал 1928-жылы Варшавада поляк дипломаттардын үй-бүлөсүндө туулган. 1950-жылы АКШ жарандыгын алып, Гарвард университетин аяктаган. Маркум Үч тараптуу комиссиянын негиздөөчүлөрүнүн бири болгон, 1973-1976-жылы ал жерде директор болуп иштеген.

1977-81-жылдарды Картердин администрациясында улуттук коопсуздук боюнча президенттин кеңешчиси кызматын аркалап турган. Ошондой эле Европадагы, Ооганстан жана башка мамлекеттердеги советтик экспансияга каршы чыккан идеолог, Атлантика тилектештигин бекемдөөнүн активдүү жактоочусу болгон.

1981-жылы Збигнев Бжезинский президенттин Эркиндик медалын алган.

XS
SM
MD
LG