Линктер

ЧУКУЛ КАБАР!
27-Октябрь, 2021 шаршемби, Бишкек убактысы 03:14

Рекс Тиллерсон ифтар уюштуруудан баш тартты  


АКШ мамлекеттик катчысы Рекс Тиллерсон.

АКШ мамлекеттик катчысы Рекс Тиллерсон мусулмандардын Рамазан айында мекемеде орозо кармагандар үчүн ифтар өткөрүүдөн баш тартты. Ооз ачыруу иш-чарасы июндун этегине белгиленип жаткан.

Тиллерсон мындай чечими менен 20 жылдан бери сакталып келаткан салтты бузду.

Буга чейин АКШ президенти Дональд Трамп Барак Обаманын диний майрам менен террорчулукка каршы күрөштү аралаштырбоо керек деген тажрыйбасын четке каккан. Мусулмандарга жолдогон куттуктоосунда Трамп Манчестердеги терактты эске салып, бул окуя Рамазанга түздөн-түз каршы келерин айткан. Рамазан тынчтыкка умтулуу, жокчулуктан жана согуштан жапа чеккендерге жардам берүүгө чакырганын белгилеген.

Ак үй да, Мамлекеттик департамент да башка диний майрамдарды белгилеп келишет. Орозо аяктап жатканда иптар уюштурууну жокко чыгаруу Вашингтон мусулмандарды сыйлабайт дегендикке жатпай турганын Тиллерсондун басма сөз катчысы билдирди.

Мусулмандардын ыйык Рамазан айы 27-майда башталган.

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG