АКШнын 35-президенти, 1963-жылы атып өлтүрүлгөн Жон Кеннединин туулганына бүгүн 100 жыл толууда.
Бул датага байланышкан эскерүү иш- чаралардын негизгилери Кеннедилердин кичи мекени - Массачусетс штатында, президент Кеннединин Бостон шаарындагы музейинде, китепканасында өткөрүлмөкчү.
Маркумдун Виржинядагы Арлингтон улуттук көрүстөнүндөгү мүрзөсүнө да гүлчамбар коюлат.
Жон Кеннеди президенттик кызматты 1961-жылдын январынан 1963-жылдын ноябрь айына чейин аркалаган.
Ал 46 жаш курагында, 1963-жылдын 22-ноябрында Даллас шаарындагы кол салууда мерт болгон. (UE)