Кыргызстанда кургак учукка чалдыккан балдардын саны өсүүдө. Бул тууралуу бүгүн Бишкекте өткөн пресс-конференцияда өлкөнүн санитардык-эпидемиологиялык көзөмөл боюнча башкы дарыгери Артур Буюклянов билдирди.
Адистин белгилешинче, чоңдор арасында оору азая баштаганы байкалганы менен балдар арасында өсүү бар.
Былтыр 5 ай ичинде 32 бала, ал эми быйыл ушул эле мезгил аралыгында 36 бала катталды. Дарыгерлерге өз убагында кайрылбагандык оорунун жайылышынын негизги себеби болуп жатканы айтылды. (RK)