Тамчы айылындагы “Ысык-Көл” эл аралык аэропорту быйылтан тарта Орусиядан жана Өзбекстандан каттамдарды кабыл ала баштайт. Жаңы рейстер ачылып жатканын “Азаттыкка” өкмөттүн Ысык-Көл облусундагы ыйгарым укуктуу өкүлү Узарбек Жылкыбаев маалымдады:
- 4-июлда Ташкенттен рейс ачылып жатат. Жай мезгилине. Мындан тышкары Новосибирсктен да быйыл ачылууда. Мурункудай эле Ош шаарынан да рейстер болот.
Кыргыз өкмөтү Uzbekistan airways авиакомпаниясы менен Ысык-Көлгө каттам ачуу тууралуу сүйлөшүп жатканын быйыл апрель айында кабарлаган.
Жогоруда аталган шаарлардан тышкары Алматыдан да каттамдар бар. (BkA/RK)