Кыргыз-өзбек чек арасында Кыргызстандын эки жараны 200 миң сомдон ашуун аткезчилик жүк менен кармалды. Мамлекеттик чек ара кызматынын басма сөз кызматы 13-июнда кабарлагандай, аларды Өзбекстанга 240 даана санарип тюнерин жана 45 коробка лампочка алып баратканда "Марказ" чек ара бөлүгүнүн жоокерлери колго түшүргөн. Товарларда эч кандай документ болгон эмес.
Экөө тең Экономикалык кылмыштарга каршы күрөш кызматынын аймактык бөлүмүнө өткөрүлүп берилди. (SE)
