Линктер

ЧУКУЛ КАБАР!
28-Октябрь, 2021 бейшемби, Бишкек убактысы 17:32

Демократ конгрессмендер Трампка каршы доо арыз беришти


Трамптын бизнеси мейманкана, гольф-клубдар, турак жайлар өңдүү 500дөн көп коммерциялык структурадан турат.

АКШда 190дон көп демократ конгрессмендер президент Дональд Трампты башка мамлекеттин өкүлүнөн киреше алган деп федералдык сотко коллективдүү арыз беришти.

Арызда Трамп кызматка киришкенден бери бир да жолу анын компаниясы чет өлкөлүк өкмөттөрдөн алган төлөмдөргө Конгресстин уруксатын сурап кайрылбаганы белгиленет. Конституция боюнча Конгресстин жактыруусусуз жооптуу кызматтарда иштеген адамдарга башка мамлекеттердин өкмөттөрүнөн төлөм же белек алууга болбойт.

Ушул өңдүү арыз менен өткөн жумада Мэриленд штатынын жана Колумбия округунун прокурорлору да кайрылышкан. Ак үйдүн маалымат катчысы Шон Спайсер прокурорлордун бул кадамы артында саясий жүйө турат деп комментарийлеген.

Трамптын бизнеси мейманкана, гольф-клубдар, турак жайлар өңдүү 500дөн көп коммерциялык структурадан турат. Бир топ компаниялары чет мамлекеттердин расмий адамдары менен кызматташып келет.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG