Күздө өтчү президенттик шайлоодо кыргызстандыктар жалпы жарандык паспорт, ID-карта же жаңы берилип жаткан биометрикалык паспорттордун бири менен добуш бере алат. Бирок жаран биометрикалык маалыматын тапшырган болушу керек. Бул тууралуу Борбордук шайлоо комиссиясынын төрайымы Нуржан Шайлдабекова 15-июнда Бишкекте өткөн брифингде билдирди.
Кыргызстанда президенттик шайлоо быйыл 15-октябрда өтөт. Талапкерлерди көрсөтүү 15-июндан тарта башталды. (SE)
